CEBU, Philippines — Suspended mayor Michael Rama sa Dakbayan sa Sugbo, nanawagan sa mga politiko sa paghiklin lang una sa ilang panagbangi atol sa pagpahigayon sa umaabot nga Palarong Pambansa sa siyudad sunod nga buwan.
Atol sa press conference ni Rama maoy iyang panawagan ang panaghiusa ug kooperasyon sa tanan nga maoy importante kaayo ning pag host sa siyudad sa umaabot nga dakong kalihukan sa paugnat sa kusog.
Gipadayag ni Rama ang Palarong Pambansa dili lang usa ka event kundili usa kini ka selebrasyon sa kabatan-onan, talento ug ang dili mapugngan nga Filipino spirit. Usa kini ka platform diin ang mga batan-ong atleta gikan sa matag suok sa nasud naghiusa aron makigkompetensya, makat-on ug molambo.
Dugang pa ni Rama manginlabot siya sa mga kalihokan apan dili manghilabot, ug mosaksi gihapon sa palaro aduna man o walay invitation. Sa nasayran si Rama maoy usa sa naningkamot sa pag bid sa Palarong Pambansa aron anhi ipahigayon sa Sugbo ug buksan karong Hulyo 9, 2024.— MEL BANAT NEWS