Brgy San Roque sa Talisay gideklarar nga drug cleared

CEBU, Philippines — Gideklarar nga drug cleared barangay ang barangay San Roque sa dakbayan sa Talisay atol sa pagsaulog sa Talisay City sa International Day Against Drug Abuse and Illicit Trafficking ug gidungan ang pag-award sa certificate sa barangay San Roque.

Gipasidunggan usab ang mga barangay anti-drug abuse council kon BADAC Focal Persons.

Gihangop kini sa kadagkuan sa San Roque nga sa pipila ka buwan nila nga pinaabot, giila na sila sa regional oversight committee on the barangay drug clearing program, diin 418 ka mga nasuta nga illegal drug user ang nitahan ug nipaubos sa drug rehab.

Si Police Lt. Col. Epraem Paguyod, ang Hepe sa Talisay City Police Station mapasalamaton sa maong kalambuan pinaagi sa suporta sa LGU, ug sa barangay ug pakig-alayon sa kapolisan. Gipanengkamotan usab nga sunod nga madeklarar nga drug cleared ang barangay Bulacao.

Sa laing bahin sikop sa PDEA 7 ang bag-ong giila nga drug personality sa Purok Camia, Barangay Lamac, Pinamungajan, Cebu sa gipahigayong antj-illegal drug operation kagahapon sa buntag.

Giila ang suspek nga si Venz Khirt Adlawan, 21 anyos, tambay ug residente sa naasoy na lugar.

Nakuha gikan sa suspek ang upat ka pack sa shabu nga motimbang og 10.5 gramo nga mo balor og 71, 400, buy-bust money ug lainlaing kagamitan sa droga. — John Mark P. Dejito  (BANAT NEWS)