P28.4 million drugas sakmit sa operasyon sa PRO-7
CEBU, Philippines — Miresulta sa pagkasakmit sa P28.4 million nga balor sa drugas ug 465 ka mga suspetsado ang nadakpan sa pagpatuman sa Police Regional Office(PRO)-7 sa ilang komprehensibong crime prevention ug enforcements.
Gikan sa Hunyo 16 hangtud sa 22, 2024 niabot sa 4,188.70 grams sa illegal nga drugas ang nasakmit sa mga otoridad.
Nakuha kini sa mga operatiba sa ilang 133 ka anti-drug operations diin 155 ka drug suspects ang nasikop.
Nadakpan sab sa kapolisan ang 186 ka indibidwal nga nalambigit sa illegal gambling ug nakompiskar ang P19,139 nga bet money ug ubang illegal gambling paraphernalia.
Sa ilang operasyon batok loose firearms 71 ka armas ang nakomspikar ug gi-surrender ang usa ka explosive ug nagkalain-laing bala. Nadakpan sab nila ang 16 ka indibidwal atol sa ilang operasyon.
Samtang sa laing operasyon nasakmit sa kapolisan sa Talisay City Police ang P408mil nga balor sa ginadili nga drugas gikan sa lalake nga giingong anak og retiradong police.
Matud pa ni Police Lt. Col Epraem Paguyod ang Hepe sa Talisay City Police Station, ang ilang nadakpan usa ka high value individual nga makadisptsar og usa ka gatus gramos sa shabu diin ang area of distribution niini mao ang Tabunok ug Mananga.
Ang maong lalaki taga barangay Tabunok og under probationary tungod gihapon sa kaso sa illegal nga drugas, ug nasakmitan usab kini og .357 magnum revolver.
Lakip sa nasikop ang kauban niini nga 32anyos nga taga barangay Kamputhaw ning Dakbayan sa Sugbo. Decemay P. Padilla/MEL BANAT NEWS
- Latest
