De Los Santos nasagmuyo sa CHD
CEBU, Philippines — Si Cebu City Councilor Mary Ann De Los Santos nipadayag sa iyang kasagmuyo gumikan sa giingong kakuwang sa kooperasyon sa Cebu City Health Department (CHD) nunot sa pagkalangay sa pagtubag sa giingong uncoordinated pneumococcal ug flu vaccination nga matud ni De Los Santos kulang sa transparency.
Si De Los Santos nipadayag atol sa regular session niadtong Miyerkules ug subli kining nanawagan sa CHD.
Niadtong Pebrero 7, 2024, si De Los Santos nagkanayon nga ang konseho nipasar og duha ka resolving clauses nga naghangyo sa CHD sa pagsumiter sa ilang tubag sulod sa 15 ka adlaw sa pagkadawat sa maong mga resolusyon.
"But unfortunately, up to this point in time, no reply has been made", matud ni De Los Santos.
Gibutyag ni De Los Santos nga nihimo siya og follow-up niini nga mga resolusyon niadtong Abril 3, 2024 nga gitumong ngadto kang Cebu City Mayor Michael kinsa ubos karon sa unom ka buwan nga preventive suspension apan wala gihapon kini mahatagi og aksyon.
Matud ni De Los Santos nga ang nahisgotan nga resolusyon nag-awhag sa mayor sa nga susihon ang pagdumala sa CHD tungod sa kakuwang sa aksyon sa mga hangyo sa legislative body.
Si De los Santos nagkanayon nga nag-lobby siya alang sa ikaduhang follow-up sa mga resolusyon niadtong Mayo 29, 2024 diin karon gi-address kang Acting Cebu City Mayor Raymond Alvin Garcia diin naglaom siya nga maaksiyonan kini.
Ang maong follow-up nanawagan usab kini sa attention sa hepe sa CHD nga Dr. Daisy Villa aron pahamtangan og silot ang giingong kakuwang niini sa hangyo sa konseho. — /BDB (BANAT NEWS)
- Latest
