CEBU, Philippines — Pag-resign ni Vice President Sara Duterte-Carpio isip DepEd secretary dili makaapektar sa gikatakdang pagpahigayon sa Palarong Pambansa 2024 nga dinhi sa Cebu City pagahimuon karong Hulyo 19.
Matud ni Cebu City Assistant Schools Division Superintendent Dr. Adolf Aguilar sa pakighinabi sa media kagahapon malaumon gihapon kini nga motambong si Duterte sa opening sa maong kalihokan nga ipahigayon sa Cebu City Sports Center.
Bisan pa nga epektibong moepekto ang iyang pag-resign sa susamang petsa.
"There's no worry or concern regarding the effect on the resignation of the Secretary," dugang pa ni Aguilar.
Ang Chairman sa Cebu City Sports Commission (CCSC) John Pages sa iyang bahin masaligon nga tiwason ni Duterte ang dagkong nasugdang programa sama niining sa Palaro 2024.
"I think we would also like to thank the transition face to the next secretary. One of her considerations for ending on July 19 is to be able to complete this very major event as part of her tenure," dugang ni Pages.
Silang Aguilar ug Pages nakigkita na sab sa kontraktor sa padayong pagpalambo sa mga pasilidad sa Cebu City Sports Center.—Jessa Grezil S. Bacus (BANAT NEWS)