CEBU, Philippines — Makadawat og hazard pay ang mga regular nga kawani sa City Disaster Risk Reduction and Management Office (CDRRMO) nga 10 porsiyento sa gidawat nilang binulan nga suweldo.
Si Konsehal Jen Delmar nga maoy naghan-ay sa resolusyon nga giaprobahan sa regular session sa konseho ang mipasabot nga risgo kaayo ang giatubang sa mga personnel sa CDRRMO sa matag higayon nga motubag sila og alarma, sama sa sunog, pagbaha ug uban pang katalagman.
Dugang pa niya nga ang paghatag og hazard pay maisip nga pagdasig kanila sa pagtuman sa ilang trabaho.
Suma pa ni Konsehal Delmar nga ang hazard pay alang sa mga regular nga kawani sa CDRRMO ang malakip na sa budget kun gahin alang sa sunod tuig. (BANAT NEWS)