CEBU, Philippines — Hugot nga seguridad ang ipatuman sa Police Regional Office(PRO)-7 karong adlawa, Hunyo 12, 2024, Independence Day. Sigon ni Police Lieutenant Colonel Gerard Ace Pelare, tigpamaba ni PRO-7 Regional Director Brigadier General Anthony Aberin nga duna sila'y kalihukan subay na sa pag-obserbar sa Adlaw sa Kaugalingnan.
Mohatag sab sila og seguridad sa mga Loc Government Units(LGUs) nga mohimo sab og mga kalihukan karong adlawa.
"Niya kay holiday man ni mag readjust ta og mga tawo kay possible ang atong kaigsuonan in Central Visayas will be spending their holiday in areas of convergence such as tourist destination, mga malls and other area," sigon ni Pelare.
Nag-monitor sab ang PRO-7 kung dunay kalihukan nga himoon ang nagkalain-laing grupo apan gipasalig niya nga ipatuman nila ang maximum tolerance basta dili lang sila makalapas sa balaod.
Sa pikas bahin, usa ka simple nga selebrasyon ang ipahigayon sa kagamhanan sa Dakbayan sa Sugbo karong adlawa matud ni acting mayor Raymond Alvin Garcia, nga nahinabi sa mga tigbalita.
Sumala pa ni Garcia, nga simple lang ang selebrasyon nila ilabi na giminusan ang budget para niini ngadto sa P3 milyones human adunay pipila ka mga kalihukan ang gitangtang sama sa Santa Cruzan, testimonial dinner ug uban pa.
Si Garcia, nitug-an nga dili gayud mawagtang ang parada sa maong selebrasyon. -- Rowena D. Capistrano/IBM BANAT NEWS