Mga drayber nga nakalapas sa trapiko gikasohan

CEBU, Philippines — Gikatakda nga moatubang sa korte ang 10 ngadto sa 15 ka drayber sa Siyudad sa Mandaue human kini gikasohan tungod sa kalapasan sa trapiko nga ilang nahimo.

Si Hyll Retuya, assistant department head sa Traffic Enforcement Agency of Mandaue (TEAM) nagkanayon nga ang nahisgutang mga drayber ilang gipasakaan og kasong kriminal diha sa Mandaue City Prosecutors Office kinsa giduso usab sa maong mga kaso ngadto sa korte. Matud ni Retuya nga sila sa buhatan sa TEAM ang gipadad -an na usab og summon sa korte alang sa gikatakda nga hearing niini.

Si Retuya nagkanayon nga ang traffic enforcer ang nangandam na usab diin sila ang mobarug isip nga testigo sa mga kaso nga ilang gipasaka.

Dugang ni Retuya nga ang unang lakang nga ilang gihimo maoy mga lakang alang sa pagluwat og bench warrant sa korte batok sa mga malapason. (BDB) BANAT NEWS