Dunay kaso sa drugas gipusil patay

CEBU, Philippines — Patay ang usa ka construction worker human kini gipusil samtang nagduwa sa cellphone kagahapon sa kaadlawon, Domingo, Hunyo 9, 2024 sa Barangay Poblacion, Lungsod sa Ronda.

Ang biktima mao si Jose Marlo Abilla Ellic, 29, construction worker ug taga Barangay Libo-o sa maong Lungsod diin nakaangkon kini og mga samad pinusilan sa iyang lawas.

Sa imbestigasyon sa Ronda Police Station nasuta nga ang biktima nagduwa og cellphone daplin sa karsada dihang kalit lang kini gipusil sa wala pa mailhing tawo sa makadaghang higayon. Gidala pa sa Ronda Rural Health Unit ang biktima apan gideklarar kini nga dead-on-arrival.

Nagpadayon pa ang imbestigasyon sa kapulisan ilabi na sa motibo sa krimen.

Nasayran ang biktima usa ka drug surrenderer, nadakpan kini kaniadto sa kasong kalapasan sa Republic Act 9165 ug ang kaso nagpadayon sa Regional Trial Court sa Lungsod sa Barili. — /IBM (BANAT NEWS)