Mga barangay tanod sa Cordova gipaubos og training

CEBU, Philippines — Gipaubos sa Enhancement Training Seminar and Community Outreach Program ang mga sakop sa Barangay Public Safety Officer (BPSO) o mga barangay tanod sa Lungsod sa Cordova.

Ang Cordova Police Station mao ang nagdumala sa pagpahigayon sa maong pagbansay bansay sa mga barangay tanod diha sa barangay Gilutungan sa maong lungsod.

Lakip sa ilang gipaambit ang seminar kabahin sa crime prevention, ug disaster management.

Tumong sa maong kalihokan ang paghatag kanila og igong kahibalo sa pagpatuman sa mga pamaagi aron malikayan ang krimen, pagdumala sa mga panghitabo sama sa kalamidad isip mga first responders sa kabarangayan. — /MEL (BANAT NEWS)