CEBU, Philippines — Tulo ka indibidwal nga nalambigit sa illegal nga sugal nga swertres ang nadakpan sa kapolisan sa Medellin Police Station sa barangay Kawit sa lungsod sa Medellin sa miaging mga adlaw.
Unang nadakpan si alyas Angi, 23 anyos, dunay kaipon, nagpuyo sa Purok Talho, sitio Jacobo, Barangay Kawit sa maong Lungsod.
Sunod nga nadakpan si alyas Elma, 60 anyos, minyo residente sa sitio Jacobo, Barangay Kawit, Lungsod sa Medellin.
Katapusang nadakpan si alyas Rena, 76 anyos, taga Proper Kawit sakop gihapon sa maong lungsod.
Nasakmit gikan sa mga dinakpan ang bet stub nga dunay nagkalain-laing number combinations, kwarta nga gigamit isip bet money, halin ug uban pang ebidensiya.
Ang mga dinakpan nga nagsilbing mga usher mag-atubang og kasong kalapasan sa Republic Act 9287. — /MEL (BANAT NEWS)