Sugbo maoy host sa dakong kalihokan sa simbahan

CEBU, Philippines — Ang Sugbo maoy host sa dako nga kalihokan sa simbahan karon tuiga nga naglangkub sa 1st National Charismatic Leaders Conference sa Hulyo 27 ngadto sa 28, 2024 ug 1st CHARIS National Convention sa Oktubre 4 ngadto sa 6, 2024 nga ipahigayon diha sa IEC Convention Center Cebu.

Ang maong kalihokan adunay tema “You will be my Witnesses” diin pangulohan kini ni Cebu Archbishop Jose Palma uban ni Fe Mantuhac-Barino, national coordinator, CHARIS Philippines, Asia Representative, CHARIS Asia-Ocenia Continental Service of Communion Member, CHARIS International Service of Communion.

Matud ni Barino nga 2,500 ngadto sa 3 mil ka magtutuo ang ilang gilaoman nga moapil sa maong kalihokan nga adunay P2 mil ang registration fee. Ang maong pagpanawat og registration alang sa moapil sa charismatic leaders sugdan sa Hunyo 7, 2024 ug taposon ang pagpanawat hangtud sa Hulyo 30, 2024 tungod kay wala sila’y onsite registration nga ipahigayon.

Ang mga opisyal sa simbahan nga gipangulohan ni Palma niawhag sa mga local charismatic leaders sa matag parokya, diocese ug community tibuok nasud nga moapil sa mga kalihokan nga ipahigayon sa Sugbo. — BDB BANAT NEWS