CEBU, Philippines — Patay ang usa ka 38- anyos nga lalake human kini gipusil sa ulo samtang natulog diha sa Sitio Pansang, Barangay Inayawan, Dakbayan sa Sugbo, Huwebes sa kaadlawon.
Ang biktima mao si Jophie Madora, 38, residente sa naasoy nga lugar. Sa imbestigasyon sa Inayawan Police Station nga tulo ka persons of interest ang ilang gisubay karon nga matud pa nakuha sa CCTV camera nga naglakaw human sa krimen ug giingong ang gunman nagtabon og tuwalya ug ang duha nagsilbing back-up.
Natulog ang biktima sa lantay gawas sa panimalay niini. Gitan-aw karon sa kapulisan nga personal grudg ang motibo sa krimen. Hinoon, palawman pa sa kapulisan ang ilang imbestigasyon labot sa maong hitabo. (BANAT NEWS)