CEBU, Philippines — Niabot sa P47.1 million ang balor sa illegal nga drugas ang nasakmit sa Policr Regional Office (PRO)-7 sa ilang duha ka adlaw nga Simultaneous Anti-Criminality Law Enforcement Operations (SACLEO) gikan sa Hunyo 3 hantod sa petsa 5 sa samang buwan.
Sa ilang operasyon batok illegal nga drugas anaa sa 6,926.53 grams sa shabu ang nakompiskar ug 117 indibidwal ang nadakpan.
Nakapahigayon sab ang PRO-7 og 54 ka operasyon batok illegal gambling.
Miresulta kini sa pagkasikop sa 109 ka tawo ug pagsakmit sa kapin P9,000 nga bet money.
Sa loose firearms, 88 ka operasyon ang nahimo ug 86 ka armas ang nakompiskar ug gi-surrender , dunay duha ka eksplosibo nga nasakmit ug walo ka tawo ang nadakpan.
Samtang sa wanted person 93 ka tawo ang nasikop, 3 niini most wanted ug 90 ang other wanted person. (BANAT NEWS)