CEBU, Philippines — Gihingusgan sa kapolisan sa siyudad sa Talisay ang ilang presensya diha sa kadalanan aron kapugngan ang mga dautang elemento sa paghimo sa ilang modus. Si Police Lt. Col. Epream Paguyod, hepe sa kapolisan nimando sa iyang mga sakop nga kinahanglan kanunay sila nga makita sa katawhan diha sa kadalanan mag estambay.
Apil sa ilang gisiguro nga kabutangan og mga polis ang mga lugar diin tapokanan sa mga tawo.
Sa ingon nga paagi, makampante ang katawhan nga sila malikay sa pagkabiktima sa nagkalain-laing krimen. Una niini, ang direktor sa Police Regional Office (PRO-7) nimando sa paghingusog sa police visibility nga maoy gituhuan nga usa sa makapakgang sa krimen.
Ang mga police di lang makita sa ilang estasyonan kundi naa na kini sa kadalanan aron paspas sila makaresponde sa mga panghitabo nga nagkinahanglan sa ilang presensya. (BANAT NEWS)