CEBU, Philippines — Gidunggab sa maguwang ang iyahang manghod kay nasuko matud pa nga wala mahatagi sa giluto nga sardinas nga gisagulan og itlog niadtong Sabado sa gabii sa Sitio Tiera Dulce, Barangay Inayawan, Dakbayan sa Sugbo.
Ang suspek, 31 anyos, construction worker samtang ang biktima 20 anyos niining manghod. Ang suspetsado gipadakop sa iyahang pamilya human mahimo ang krimen.
Sa impormasyon sa Inayawan Police Station ang biktima adtong higayona galuto og panihapon unya ang suspek gaagi-agi ra sa dapit, nagsige kini pasingit sa iyahang igsuon.
Dihang gitubag sa biktima ang iyahang igsuon apan wala kini makauyon maong nasud kini ug nikuha og kutsilyo dayun gidunggab ang biktima maayo nalang nga nakalihay ug nakadagan.
Ang suspek miingon nga nabuhat niya ang krimen kay matod pa nagdinawo ang iyahang manghod. Gigutom matud pa siya apan wala siya hatagi dihang nangayo kay kuwang ra matud pa ang sud-an.
Kasong attempted homicide ang ipasaka batok sa suspek. (BANAT NEWS)