P5 milyong shabu nahipos
CEBU, Philippines — Moabot sa P5 milyones nga kantidad sa shabu ang nasakmit sa kapolisan sa Syudad sa Talisay sud sa usa ka semana nilang sagunson nga operasyon batok sa ilegal nga drugas.
Ang kapolisan sa Talisay pinangulohan ni Police Lt. Col. Epream Paguyod subsob sa paghimo og operasyon.
Sila nakadakop og unom ka wanted persons samtang nakadakop kini og 20 ka indibidwal nga nagpahigayon og ilegal nga sugal sud sa walo nila ka operasyon.
Gisugdan nila ang operasyon niadtong Mayo 25 hangtud sa Mayo 31 ning tuiga.
Sa operasyon batok ilegal nga drugas, 10 ang nadakpan sa operatiba sud sa unom ka operasyon.
Ang drugas nga ilang nasakmit nitimbang og 745.65 gramos nga adunay gibana-bana nga nalor nga P5,070,420 ka pesos. Si Paguyod nitataw nga padayon sila sa ilang trabaho sa pagpaslak sa bilangguan sa mga ilegalista. (BANAT NEWS)
- Latest
