CEBU, Philippines — Gipahinumduman ang mga regular second year college Filipino students nga na-enroll sa Department of Science and Technology-Science Education Institute ug sa Science and Technology course sa mga unibersidad karon nga school year nga kutob na lang karong Mayo 31, 2024 ang pagpanawat sa application alang sa junior level science scholarship.
Alang niadtong mga interesado kinahanglan nga duna kini General Weighted Average (GWA) nga dili moubos sa 83%. Ang computation sa GWA naglakip sa grado sa mga non-academic subjects.
Gawas niini kinahanglan ang tinun-an walay hagbong gikan sa first Semester sa First Year hangtud sa first Semester sa Second Year sa college, apil na sa midyear terms, kun ugaling na enrolled.
Ang ubang requirement naglakip sa pagka natural-born Filipino citizen nga dunay good moral character ug maayo ang panglawas.
Ang online application period nagsugod niadtong March 4 ug matapos na karong Mary 31, 2024 samtang ang qualifying exam gitakda sa July 28, 2024.
Gipahinumduman usab ang mga applicants nga kinahanglan dunay working mobile number/s ug valid email addresses nga personal og dili sa tunghaan alang sa notification sa ilang application status.
Ang latest information kabahin sa scholarship program ug sa updated scholarship forms, mahimong matan-aw sa official SEI website https://sei.dost.gov.ph.
Niadtong 2023, dunay moabot sa 2669 students ang ni-qualify sa maong scholarship program. — /MEL (BANAT NEWS)