Camotes Islands ubos sa signal no. 1 tungod ni Aghon
CEBU, Philippines — Naapil ang Camotes Islands sa Probinisya sa Sugbo sa mga lugar nga gipaubos sa tropical cyclone wind signal (TWCS) number one tungod sa tropical depression nga Aghon.
Base sa alas- 2 sa hapon kagahapon Mayo 24 nga weather bulletin sa PAG-ASA, ang maong bagyo ulahing nasigpatan 135 kilometro sa sidlakan amihanang-sidlakan sa Hinatuan, Surigao del Sur.
Nagdala kini og hangin nga 55 kilometro matag takna duol sa sentro samtang dunay haguros nga 70 kilometro matag takna.
Apil sa mga gipaubos sa signal number 1 ang Sorsogon, Albay, Catanduanes, Camarines Sur, Camarines Norte (San Vicente, San Lorenzo Ruiz, Basud, Daet, Talisay, Mercedes), ug Masbate including Ticao Island, Burias Island didto sa Luzon.
Eastern Samar, Samar, Northern Samar, Leyte, Southern Leyte, Biliran, ug Camotes Islands sa Visayas ug sa Mindanao mao ang Dinagat Islands, Surigao del Norte including Siargao and Bucas Grande Islands, Surigao del Sur, Agusan del Sur (Sibagat, City of Bayugan, Prosperidad, San Francisco, Rosario, Bunawan, Trento), ug Agusan del Norte.
“Minimal to minor impacts from strong winds are possible within any of the areas under Wind Signal No. 1,” sumala sa Pag-asa.
Kagahapong adlawa, pipila sa byahe sa barko ang kanselado.
Ang Cebu Port Authority (CPA) nipahibalo kagahapon nga kanselado ang byahe sa barko sa Jomalia Shipping Danao port ngadot sa Consuelo Port sa Camotes Island gikan sa alas 2:30 sa hapon hangtod sa alas 10 gabii, Mayo 24.
Samtang ang lokal nga kagamhanan sa siyudad sa Bogo nipahibalo pud kanselado ang byahe sa barko gikan sa Polambato Port padulong sa Palompon Leyte ug Cawayan Masbate tungod sa TD Aghon.—IBM BANAT NEWS
- Latest
