CEBU, Philippines — Si Lapu-Lapu City Mayor Junard Chan maoy gitudlo nga pangulo sa Regional Peace and Order Council (RPOC) 7.
Ang iyang appointment natigayon pinaagi ni Presidente Ferdinand "Bongbong" Marcos nga gipahibalo usab sa Presidential Communication Office (PCO) niadtong miaging Lunes Mayo 20, 2024.
Ang maong posisyon nabakante sukad nga nitaliwan si kanhi Cebu City Mayor Edgar Labella niadtong Nobyimbre 2021.
Ang RPOC gilangkoban kini sa mga sakop mga opisyal sa kagamhanan ug mga pribadong sektor, law enforcement, ug tanang ahensiya sa gobiyerno alang sa paghan-ay og mga plano alang sa kalamboan sa rehiyon.
Si Chan mipasalamat sa pagsalig sa presidente ngadto kaniya ug nagtuo kini nga kining pagsalig, pag-ila ug paghangop sa mga nahimo niya para sa siyudad. IBM BANAT NEWS