Rama mopalig-on sa PDP-Laban sa Visayas

CEBU, Philippines — Samtang nag-atubang og suspensyon sa Ombudsman, si Cebu City Mayor Michael Rama gikatakdang mipahibalo nga iyahang gamiton ang panahon aron mo-rekrut og mga miyembro sa PDP-Laban ug lokal niyang grupo nga Partido Barug.

Dili lang sa mga sitio o barangay sa siyudad kondili hasta pud sa tibuok Sugbu ug sa Visayas sanglit siya man ang Bise President sa Visayas sa Partido ng Demokratiko Pilipino Lakas ng Bayan (PDP Laban).

Si Rama namahayag niini pinaagi sa PPRMN-Sugboanon channel sa siyudad. Ang PDP-Laban us aka dakong partido political sa Pilipinas nga ang tumong mao ang paghimo og dakong kausaban sa nasud  nga para sa tanan.

Sa pagkakaron, upat ka mga senador ang ubos sa landong sa maong partido, sila mao si Senador Robinhood “Robin” Padilla, Francis “Tol” Tolentino, Christopher Lawrence “Bong” Go ug Ronald “Bato” Dela Rosa.

Samtang 28 ka kongresista, , 18 ka gobernador, 27 ka bise gobernador, 206 ka Provincial Board members, gatosan ka mga mayor ug bise mayor ug kaliboan ka mga konsehales sa kalungsoran ug mga siyudad.

“Remember, I am the Vice-president(PDP-Laban), I’ll be going down to the sitios and I’ll be going all throughout the Visayas and then I’ll be going down to the entire province of Cebu recruiting members of PDP,” matud pa sa mayor.

“Nindot kayo ng PDP…Unsa basin gusto pud sila muapil sa BRT, Barug Rama team, dili lang mutingog, mubarog pa!” dugang pa niya.

Sa pagkakaron, ang kampo sa mayor nagtinguhang modangop sa Korte Suprema aron kwestyonon kun balido ba ang desisyong pahamtangan siya og preventive suspension sa Office of the Ombudsman sa Manila.

Nagtinguha sab ang mayor nga kasohan ang mga tawong gustong gub-on ang reputasyon sa iyang pamilya.

Giklaro hinuon niyang dili niya panimaslan ang mga kawani sa city hall nga nipasaka kaso kaniya ug sa laing pito ka opisyal sa siyudad.

“Dili ko tawo nga manimaws, tawo ko nga reasonable…Tawo nga humanist, consultative and participative…Looking into the principle of PDPB, dili sila angay maguol kay personnel manager biya ko,” ni Rama pa.

Matud pa niya andam niyang dawaton kun mapatud-an nga nasayop siya.

“I’m not a hard loser, I can smile...I can even smile on Tomy (Osmena) bisan ang iyang gusto pa-resigning gani ko,” dugang pa niya.

Sa sayo pa, si Osmeña miawhag kang Rama nga mo resign isip national president sa League of Cities in the Philippines human nigawas ang preventive suspension.

“What’s else is new with him? I pity him, I pitty him..Wala man siyay, kanang mo-end up gani kag declaration unya devoid ka og facts, I will now be questioning,” matud pa ni Rama.

Siya midugang nga iyahang giampo nga makalingkawas aning lain na sab nga pagsuway nga iyang giatubang. — /IBM (BANAT NEWS)