10 ka barangay sa Mandaue ang nagtigi sa Panagtagbo Festival

CEBU, Philippines — Giila sa mga hurado sa Panagtagbo Festival sa Mandaue Festival of Festival 2024 ang mga mananaog sa maong indigay nga gipahigayon diha sa F. E.  Zuellig sa North Reclamation Area saa Siyudad sa Mandaue niadtong Domingo sa hapon.

Sa 27 ka barangay sa Dakbayan sa Mandaue 10 niini ang niapil sa Panagtagbo Festival. Si Trixie Mae Faller sa contingent number 8 nga gitawag og SinugCub Festival sa Barangay Cubacub ang napiling miss photogenic

Samtang si Marielle Rosquel Tan Ardona sa contingent number 10 o Silhig Festival sa Barangay Paknaan ang napiling best in costume, best in audio van ug second runner up sa best in street dancing. Ang Candulambo Festival sa Barangay Canduman ang napiling barangay intro video. Samtang best in andas ang Sinugcum Festival sa Barangay Cubacub.                

Napiling first runner up ang Suba nga Dako Festival sa Barangay Subangdaku,ang Abante Tabok Festival sa Barangay Tabok maoy giila nga champion sa maong indigay.                            

Samtang sa grand ritual competition showdown fourth runner up SinugCub Festival, third runner up ang Abante Tabok, second runner up ang Silhig Festival, ug First runner up ang Suba nga Dako Festival ug napiling champion usab ang Candulambo Festival. Ug sa festival queen awards second runner up si Iris Mae Inoc, first runner up si Ardona sa contingent number 10 sa Silhig Festival ug si Faller ang giila isip Festival Queen 2024.