Oil price rollback ipatuman sunod semana

CEBU, Philippines — Gipanglantawan nga dunay ipatumang oil price rollback sa sunod semana sa dili pa matapos ang buwan sa Abril sumala pa sa Department of Energy.

Kini gibasi sa nakalabay nga four-day trading prices, ang DOE miingon nga gikatakdang momenus ang presyo sa gasolina og P0.45 per liter, diesel maximum og P0.60 per liter samtang ang kerosene prices posibleng mokubos sab og P0.90 per liter.

Ang DOE miingon nga ang pagkubos sa presyo sa petrolyo epekto kini sa pagsaka sa U.S. crude supply sa kalibutanong merkado ug ang pagkalma sa mga negosyante sa ilang kabalaka nga moulbo ang giyera tali sa Iran ug Israel. Sa miaging semana, dili parehas ang adjustments sa presyo sa krudo. Ang presyo sa diesel ug kerosene nikubos og P0.95 per liter ug P1.10 per liter, apan ang gaolina misaka og P0.55 per liter.

Hinuon karon pang adlaw nga Lune sang final price adjustments sa produktong petrolyo ug kini dungan ipatuman sa adlaw nga Martes sa sunod semana. IBM BANAT NEWS