CEBU, Philippines — Si Acting Mayor Raymond Alvin Garcia kinsa nangulo sa flag raising ceremony kagahapon sa Cebu City Hall nidasig sa mga empleyado nga bisan og unsa ka gamay ang ilang gihuptan nga position dako gihapon kining mahatag nga tabang alang sa katawhan ug sa ilang komunidad.
Si Garcia nipaambit sa usa ka sugilanon ngadto sa mga trabahante ug sa pagtulon-an nga mapupo niini.
Matud ni Garcia nga pinaagi sa sugilanon nga iyang gipaambit nga ang “leon ug ang ilaga” nagpadayag kini nga bisan unsa kagamay apan makatabang og dako sa katawhan o makasalbar sa komunidad o kalibutan.
Gipadayag ni Garcia nga angayang isipon sa mga trabahante ang estorya nga iyang gipaambit nga adunay kaayohan ug compassion diin bisan sa ilang kagamay sa grupo aduna sila’y katakos sa pagtabang sa Siyudad sa Sugbo. (BANAT NEWS)