CEBU, Philippines — Kanunay ang pahimangno sa mga sakop sa City of Talisay-Traffic Operation Development and Authority (CT-TODA) ngadto sa mga magmotorsiklo nga anha lang mosubay sa outer lane.
ilabi na kong anha sila moagi sa Cebu South Coastal Road (Csrc).
Ang mga enforcer sa siyudad sa matag eskina mag-anunsiyo samtang maghunong pa ang mga sakyanan.
Si Talisay City Councilor Danny Caballero, chairman sa committee on traffic nipadayag nga ang kaluwasan sa rider ug pasahero ang labing siguruhon tungod kay ang kinabuhi kausa ra.
Matud ni Caballero nga kinahanglang kondisyon ang lawas sa dili pa mokupot og manobela ug sigurohon usab nga kondisyon ang sakyanan o motorsiklo.
Ang paghinay-hinay sa pagpadagan mas maayong buhaton ug dili kalimtan ang pag- ampo aron giyahan ang pagbiyahe.
Ang CT-TODA daghan na nga natala nga disgrasya sa kadalanan ilabi na diha sa CSCR. BDB BANAT NEWS