Mga pribadong tunghaan sa Mandaue padayon ang face-to-face classes

CEBU, Philippines — Mga pribadong tunghaan sa Siyudad sa Mandaue ang nagkahiusa sa ilang hukom nga pagpadayon sa ilang face-to-face classes sa ilang mga tinun-an.

Gipasabot nila sa ilang giluwatan nga hukom sa paghangop sa kamatuoran nga kabahin na sa kinabuhi ang climate change.

Atol sa tigom sa Mandaue Organization of Private School Administrators Incorporated ilang gipadayag ang pagpahigayon sa face-to-face class.

Giklaro sa kadagkoan sa mga private school sa Dakbayan sa Mandaue nga bisan pa sa init nga panahon luwas ra ang ilang mga estudyante sulod sa ilang mga classroom.

Ang mga private school sa siyudad gihatagan og katungod nga mopatuman sa ilang kaugalingon nga pamaagi sa paghatag og edukasyon sa kabataan depende sa ilang kapasidad basta seguradohon lang ang kaluwasan sa mga estudyante.                                       

Samtang sa mga publikong tunghaan, si Mayor Jonas Cortes niluwat kini og executive order nga nagmando sa pagsagop sa blended learning sa mga tinun-an. BDB BANAT NEWS