CEBU, Philippines — Magdala kanunay og tubig ingon man mokaon og prutas, kini ang tambag ni Talisay City vice mayor Richard Francis”Choy” Aznar ngadto sa katawhan aron malikayan ang heatstroke.
Sa nasayran grabe ang kainit sa panahon karon ug dili angayan nga kompyansahan ang paglakaw nga mabuwad sa init.
Sa iyang facebook page gipadangat ni Aznar ang iyang tambag sa katawhan ug siya miingon nga kinahanglan dili gyud kalimtan ang pagdala og tubig bisan asa molakaw ug kanunayon ang pag-inom og tubig.
Mokaon og mga prutas aron taas og resistensya inubanan sa pag inum og bitamina.
Matud pa ni Aznar nga kung mahimo likayan ang pagbuwad sa init o kung dili gyud malikayan magsul-ob og gaan o hayahay nga senina og pagsul-ob og pagprotekta sa lawas.
Ang Talisay maoy nag-una nga nisuspenso sa face to face nga klase sa mga tinun-an sa pampublikong tunghaan gumikan sa grabeng kainit. MEL BANAT NEWS