SWAT sa Talisay kampiyon sa 1st Provincial Director: SWAT Challenge

CEBU, Philippines — Nahimong kompiyon ang Special Weapon and Tactic (SWAT) sa Dakbayan sa Talisay sa 1st Provincial Director: SWAT Challenge nga gipahigayon sa Barangay Cansomoroy, Lungsod sa Balamban niadtong niaging buwan. Si Talisay City Mayor Gerald Anthony  Samsam  Gullas, Jr. masigarbohon sa maong kalamboan sa SWAT sa siyudad.

Ang kompetisyon gisalmotan kini sa 12 ka SWAT units gikan sa nagkalain-laing siyudad ug munisipalidad sa tibuok Probinsiya sa Sugbo. Nakuha sa SWAT Talisay ang Team Champion, Team 2nd runner up ug Best in CQB.

Sa maong kompetisyon gipakita sa SWAT ang ilang katakus sa bisan unsa nga sitwasyon sa pagtubag sa alarma.

Sayo pa, si Gullas nangusog nga mabutangan og sakop sa SWAT ang Dakbayan sa Talisay aron makatabang sa pagtubag sa mga alarma batok sa mga daotang elemento.

Ang kagamhanan sa Dakbayan sa Talisay nigahin og pundo alang pagbansay sa mga sakop sa SWAT hangtud sa paghatag og mga kagamitan niini.

Tumong niini aron mamentinar ang kahapsay ug kalinaw ug makapaagni sa mga negosyante nga mobubo og puhonan alang sa kalamboan sa Dakbayan sa Talisay. (BANAT NEWS)