Lalaki gituohang namatay sa ‘heat stroke’
CEBU, Philippines — Patay nang napalgan ang usa ka 58 anyos nga lalaki daplin sa kalsada sa dalan Escario Barangay Kamputhaw Syudad sa Sugbo pasado alas 2:45 Martes sa hapon Pebrero 2,2024 , gidudahan nga namatay kini tungod sa heat stroke.
Ang maong lalaki naila sa ngalan nga William Destura Go, residente sa nahisgutang dapit.
Si Police Staff Master Sargeant Alexander Terado imbestigador sa Abellana Police Station 2 mibutyag sa Banat News nga dunay nipahibalo kanila bahin sa tawo nga nagligdas sa aseras nga nakit-an sa mga barangay tanod nga naglisod na og ginhawa ug nagsuka og dugo.
Sa pag-abot sa mga emergency personnel sa barangay nakabsan na kini sa kinabuhi.
Nagduda si Terado nga ang maong lalaki na heat stroke tungod sa kainit sa panahon ug nakainom kini.
"Posible pud na(heat stroke) siya pero adto na sa Doctor siguro kung ma autopsy na ni nato. Automatic man na siya ako man ni siyang request-an og autopsy so adto makita tanan if willing pud mo pa autopsy ang tagtungod," sigon ni Terado. Matud pa ni Luz Purisima, ig-agaw sa namatay, walay sakit ang namatay apan magsige kini og inom.
Ang Scene of Crime Operatives naka recover og usa ka lapad sa ilimnong makahubog dool sa patay lawas sa maong lalaki. IBM BANAT NEWS
- Latest
