DVM nipahimangno sa fur parents

CEBU, Philippines — Ang pangulo sa Department of Veterinary Medicine and Fisheries Dr. Jessica Maribojoc niawhag sa mga fur parent nga magmabinantayon sa epekto sa nagsaka nga temperatura ngadto sa ilang mga binuhi nga mananap.

Matud ni Maribojoc ngadto sa mga fur parent nga likayan nila ang pagdala sa ilang mga binuhi nga kahayopan sa ilang mga biyahe.

Angayan usab nga likayan ang pagpalakaw-lakaw sa ilang mga binuhi gikan sa alas 10:00 sa buntag ngadto sa alas 4:00 sa hapon.

Si Maribojoc nagkanayon nga ang pagpalakaw sa mga kahayopan himuon sa alas 7:00 ngadto sa alas 8:00 sa buntag o sa alas 5:00 sa hapon.

Matud usab ni Maribojoc nga kong makasinati og taas nga kainit ang ilang mga binuhi ug naglisod kini sa sa pagginhawa angayan kining paimnon og bugnaw nga tubig.

Ug kong mahimo butangan og electric fan kadtong mga iro nga grabe o baga ang balhibo o ibutang sa air condition kong gikinahanglan.

Dugang ni Maribojoc nga niining nasinati nga grabeng kainit sa panahon tungod sa El Niño dili lang mga tawo ang maapektohan apil usab ang kahayopan. BDB BANAT NEWS