CEBU, Philippines — Gumikan sa hulga sa avian influenza kun bird flu, giregulate karon sa lokal nga kagamhanan sa Probinsya sa Sugbo ang pagpasulod sa mga manok ug ubang matang sa langgam gikan sa Probinsya sa Leyte.
"The entry of live bird (poultry and non-poultry) from Leyte is prohibited for 45 calendar days. This includes day-old chicks, pullets, ducks, quails, gamefowls, pigeons and pet birds" pagbasa sa executive order 6 series of 2024 nga giluwatan ni Garcia.
Sumala sa gobernador nga ang poultry products gikan sa Leyte mamahimong makasulod sa Probinsya sa Sugbo apan subject sa pag-comply sa mga regulasyon.
Ang gihimong lakang sa Kapitolyo alang sa pagpanalipod sa P12 bilyones nga poultry industry sa lalawigan sa Sugbo.
Kini human nasayran nga daghan ang nangamatay sa maong mga hayop didto sa Leyte.
"poultry farm mortalities in Leyte (March 2024) raise concern about potential AI outbreaks and environmental impact" pagbasa sa EO ni Garcia nga giluwatan Marso 25, 2024.
Ang Probinsya sa Sugbo nagpabilin nga avian-influenza free sumala sa Kapitolyo. MEL BANAT NEWS