CEBU, Philippines — Ang mga Local Government Unit lukop nasud kinahanglang maningkamot og mayo diin ang kadtong adunay taas og performance nga Peace and Order Council ang eligible sa prestigious Seal of Good Governance (SGLG) Awards niining tuiga.
“Peace and order is an integral governance area that needs to be prioritized by our LGUs. This is why LGUs with high-performing POCs are the only ones eligible to bag the much-coveted SGLG”, padayag ni Department of Interior and Local Government Secretary Benhur Abalos.
Giklaro sa DILG nga ang POC nagsilbi kining flatform sa gobiyerno alang sa lig-ong kolaborasyon sa LGU tali sa law enforcement agencies ug komunidad sa pakigbatok sa kriminalidad, ilegal nga drugas, insurgency, ug violent extremism.
Ubos sa guidelines, ang POCs nga adunay 85 porsyento nga performance rating pataas makonsidera kini nga eligible ug kwalipikado sa SGLG Award ubos sa governance area sa Safety, Peace and Order.
Ang maong kalamboan nitumaw human ang DILG nipagawas og guideline alang sa 2023 POC audit. Ang POC audit nagtumong sa pag-assess sa performance sa regional, provincial, city, ug municipal POCs, identify innovation sa POCs; ug pagdeterminar sa posibleng interventions ug improvement strategies alang sa POCs.
Ang maong audit mag-cover sa kinatibuk-ang 1,733 regional, provincial, city ug municipal POCs.
Ang proseso sa audit sa performance sa POCs ipahigayon sa online pinaagi sa POC audit system ug i-guide sa duha sa ka main pillars nga gilangkuban sa functionality ug development.
Ang functionality pilar nagtumong sa pa-assess sa POCs base sa ilang kapasidad sap ag-deliver sa basic functions ug responsibilities isip outline sa Omnibus Guidelines sa POCs.
Ang indicators naglangkub sa organization, meetings, policies, plans, budget, general supervision ug innovation.
Samtang ang development indicator naglangkub sa pagtubag sa kriminalidad, pagsiguro sa public safety, gender sensitivity ug citizen participation.
Ang National Audit Committee (NAC) magpahigayon sa audit process alang sa regional POCs ug sa Regional Audit Committees alang sa provincial, urbanized cities/independent component city POCs samtang ang Provincial Audit Committees maoy mohupot sa component city ug municipal POCs. — /BDB (BANAT NEWS)