PRO-7: Patas-an ang pasensiya sa pagbiyahe paglikay sa road rage

CEBU, Philippines — Gihangyo sa Police Regional Office (PRO)-7 ang katawhan nga patas-an ang ilahang pasensiya diin sunod semana gipanglantawan nga makasinati og kahuot sa dagan sa trapiko tungod kay maghinay-hinay naman og panguli sa mga probinsiya ang mga tawo aron adto magsaulog sa Semana Santa.

Si Police Lieutenant Colonel Gerard Ace Pelare, tigpamaba ni PRO-7 nagkanayon nga ipatigbabaw ang kabugnaw sa ulo sa pagbiyahe ug dili magpadala sa kainit sa ulo aron malikayan ang road rage.

“I would like to remind everyone that traffic congestion is expected during this time especially mo uli ka sa south, sa north so just keep your cool, extend your patience”, matud ni Pelare.

Ug kong moadto usab og mga places of worships, areas of convergence ingon man tourist destination laoman nga daghan gyud og tawo ug kon magdala og bata siguradohon nga duna sila’y identification sama sa gihimo sa Sinulog nga adunay mga name tags aron kon mawala dali ra nga ma-contact ug makuha sa pamilya.

“Be conscious of your health also because it’s crowded, init then probably kong dili ka physically prepared magkaproblema ka”, ni Pelare pa.

Nagpahinumdom usab kini sa katawhan nga kon mobiyahe man siguraduhon nga naibot ang tanang linya sa appliances, nasirad-an usab ang balay aron dili mabiktima sa kawatan ug sa pagbiyahe siguradohon nga anaa sa kondisyon ang sakyanan apil na usab ang nagmaneho aron makalikay sa disgrasya. BDB BANAT NEWS