Local officials nga nagpabaya sa isyu sa Captains Peak, manubag

CEBU, Philippines — Hayan masuspenso o ma dismissed sa trabaho ang mga local nga opisyales nga mamatud-an nga nagpabaya kabahin sa kontrobersiya sa Chocolate Hills.

Kini ang gipadayag ni Interior Secretary Benhur Abalos kinsa mitug-an nga nimando na siya alang sa pagtukod og Task Force nga mosusi sa maong isyu.

Ang maong lakang ni Abalos natigayon human motug-an ang Department of Environment and Natural Resources(DENR) Secretary Tony Yulo-Loyzaga nga dunay pagtugot sa mga opisyales ilabi na sa mga barangay captains ang pagtukod sa Captain’s Peak resort.   “We have mobilized a special investigation team to swiftly ascertain any liability of local officials in this matter,” suma pa ni Abalos.

Si DENR Secretary Loyzaga sa dihang nahinabi sa DZRH misaysay sa detalye kabahin sa Captain’s Peak.

Apil na ang back-ground niini diin niadtong tuig 1997, si kanhi president Fidel V. Ramos miproklarar sa Chocolate Hills ug sa mga nakapalibot niini nga mga lugar isip protected area apan na-amendar kini niadtong tuig 2002 ug wa na maapil isip national monument ang mga lugar nga nagpalibot sa Chocolate Hills.

Apan niadtong tuig 2023, ang UNESCO mideklarar sa Bohol isip Geo-park.

Niadtong tuig 2018 ang Chocolate Hills nahimutang na sa protected area list, diin ang tag-iya sa Captain’s Peak nga si Edgar Buton, mi-apply alang sa katukoran sa “eco-tourism park” sulod sa Chocolate Hills nga giaprobahan usab sa Protected Areas Management Board o (PAMB).

“Inapprove ito ng PAMB—mga barangay captain, mga mayor, representative ng Governor…Dapat may representatives din ng NGO, Academe, Private sector…Halos lahat barangay captains, voted in 2018 for it,” matud pa ni Loyzaga.

Niadtong tuig 2022, ang tag-iya sa Captain’s Peak ni apply na usab og bag-ong permits niadtong July 14, 2022 diin matud pa ni Loyzaga wala pa siya sa DENR niadtong panahona.

“Enendorso pong development-approved halos lahat ng barangay captain, isang transferring of the site for safety reasons---swimming pool, slides, wave pool, cottage. Details with PAMB/ barangay captain…Also with private sector, kasama na rin po sina Captain’s Peak,” dugang pa ni Lozgaga.

Segun sa research sa DENR, ang mayor’s building permit nahatag niadtong tuig 2020 aron magsugod na kini sa pag operate ug dugang building permit niadtong September 21, 2022 ug July 8, 2022 alang sa clearance, plus clearances sa BFP ug business permit gikan sa DTI.

Sa pagkakaron suma pa sa DENR nga gitun-an nila ang tanang anggulo alang sa evaluation ilabi na nga ang Bohol usa na ka Geo-park. The Freeman