Cash Aid sa mga seniors ipanghatag karong Marso 21

CEBU, Philippines — Gimando ni Cebu City Mayor Michael Rama ang paghatag na sa financial assistance sa mga senior citizens karong Marso 21, 2022.

Matud pa sa mayor, malaumon siya nga malihok na kini og mahatag kini bisan ug wala siya tungod kay aduna siyay biyahe sunod semana. Ang mga kwalipikado nga senior citizens makadawat og tag 3mil ka pesos sa unang quarter tungod kay tulo kini ka buwan ug tagsa ka libo matag usa ka buwan.

Ang mga Department Heads nagtigum sa buhatan sa Office of the Senior Citizens aron hisgutan og tukion ang pag-apod-apod sa maong tabang pinansyal sa mga seniors.

Dili mominos sa 90mil ka mga senior citizens sa dakbayan sa Sugbo ang gipaabot nga modawat sa maong assistance.

Gihangop usab sa mga seniors ang maong kalambuan ilabi na kadtong adunay mga maintenance nga mga tambal. — MEL BANAT NEWS