Karaang bikil misangpot sa pagpatay

CEBU, Philippines — Patay ang usa ka 52- anyos nga lalaki nga biktima sa pagpanunggab sa iyang silingan sa Purok Thunder sa Sitio Timpolok sa Barangay Babag, Siyudad sa Lapu-Lapu  alas-9 pasado ang takna sa miaging Domingo sa gabii.

Ang namatay giila nga mao si Victor Franco Tolo, apan adunay kapuyo  nga nagtrabaho isip  construction sa maong dapit.

Ang suspetsado nga nakadunggab mao si  Wilson Mangubat Inihao,  49 anyos ug kauban sa trabaho sa biktima  sa maong dapit

Si Police Lieutenant  Christian  Torres, pangulo sa  City Investigation  Detection and  Management Unit (CIDMU) ug tigpamaba sa Lapu-Lapu City Police Office (LCPO) miingon

nga  ang duha adunay  karaang panagsungi nga naglambigit sa ilang trabaho.

Matud pa ni Torres nga naglakaw  padulong sa usa ka tindahan ang biktima ug nalabyan niini ang suspetsado nga nakig-inom uban  sa iyang mga barkada.

Gitawag matud pa  sa suspetsado ang biktima ug  sa pagduol niini ilang nahisgotan ang ilang bangi kaniadto apan misangko sa mainiton nilang panaglalis ug niresulta sa pagpanunggab sa dughan ug kutokuto sa biktima ug dalidali dayon kini misibat pahilayo.

Gilusad ang manhunt operation nga miresulta usab sa pagkasikop niini.— IBM BANAT NEWS