Mga ginikanan giawhag pagpa-bakuna sa ilang mga anak

CEBU, Philippines — Giawhag ang mga ginikanan nga pabakunahan ang ilang mga anak kung wala pa kini usa ka tuig. Kini maoy awhag ni Dr. Daisy Villa, ang pangulo sa Cebu City Health Department.

Matud pa ni Villa paagi kini aron pagpanalipod kanila sa mga sakit nga mapugngan sama sa tipdas, polio, rubella ug uban pa.

Sumala pa ni Villa, nimenos gayud ang nagpabakuna lay sa 60 porsiyento lang sa ilang target sa immunizations ang ilang natala tungod kay nagpanuko na ang uban mga ginikanan nga magpabakuna sa ilang mga anak.

Gibutyag ni Villa  sulod sa iyang unang duha ka tuig nga termino isip CCHD head ang immunization rate sa siyudad nisobra sa 80 porsyento.

Si Villa, nitug-an nga nagsugod og menos ang pagpabakuna sa mga ginikanan sa dihang adunay namatay tungod sa dengvaxia vaccine batok sa sakit nga dengue. Kini bisan pa man og walay kongkreto ug siyentipikong ebidensiya nga ang dengvaxia gyud ang hinungdan sa ilang kamatayon, naapektahan niini ang panghunahuna sa mga ginikanan.

Napagan ang uban pang importante gyud unta nga mga bakuna nga proteksyon sa mga bata gikan sa nagkalain-laing mga sakit. (BANAT NEWS)