CEBU, Philippines — Gilusad sa Department of Budget and Management pinangulohan ni Secretary Amenah F. Pangandaman ang Support and Assistance Fund to Participatory Budgeting (SAFPB) project sa Cebu City niadtong Pebrero 21, 2024.
Gikatahong 75 ka mga munisipyo ang makabenipisyo sa malungtarong suplay sa tubig ug sanitation services. Ang lima ka LGUs nga makadawat niini gikan sa Quezon Province, upat sa Bohol, ug upat sa Lanao del Norte ug uban pa.
Gibanabanang mokabat P1.0 billion ang gitagana para sa maong proyekto nga ubos sa Local Government Support Fund - SAFPB.
Matud pa talagsaon ang maong proyekto tungod kay nigamit kini og gitawg nga participatory budgeting. Ang buot ipasabot niini, dili lang opisyales sa gobiyerno kondili hasta ang mga Civil Society Organizations dunay tingog sa pagpangita, pagila, implimentasyon ug pag-monitor sa mga proyekto.
Mao kini ang gustong buhaton sa DBM nga bukas kini sa tanan. Ang paglusad sa maong proyekto dunay kolaborasyon sa Department of the Interior and Local Government (DILG).
Diha sa paglusad si DILG Secretary Atty. Benjamin C. Abalos Jr. ug DILG Undersecretaries Marlo L. Iringan ug Atty. Odilon L. Pasaraba; Department of Environment and Natural Resources Undersecretary Dr. Carlos Primo C. David; and National Economic and Development Authority Assistant Secretary Roderick M. Planta.— IBM BANAT NEWS