CEBU, Philippines — Usa ka security guard nga nag-atubang og kasong pagpanglugos ang nasikop atol sa mga sakop sa City Mobile Force Company sa Lapu-Lapu City Police Office (LCPO), Regional Mobile Force Battalion-7, mga sakop sa 701st Maneuver Company pinangulohan ni Police Lieutenant Gabriel Mota ug Police Colonel Dyan Vicente Agustin ug sa Danao City Police Station.
Ang suspetsado nga si alyas “Junjun” nasikop diha sa Barangay Sandayong Sur, Dakbayan sa Danao sa niaging adlaw.
Si Junjun kinsa residente usab sa nahisgutang lugar gidakop sa kapolisan pinaagi sa warrant of arrest nga giluwatan ni Assisting Regional Trial Court (RTC) Judge Samson Troy Layese sa Branch 25 sa Siyudad sa Danao.
Ang korte nirekomendar og P120,000 nga piyansa alang sa temporaryong kagawasan sa suspetsado.
Ang suspetsado kasamtangan kining gipaubos sa kustodiya sa 701st Maneuver Force Company ug gikatakda kining ipresentar ngadto sa korte. BDB BANAT NEWS