Babaye ug lalaking riding in tandem, ang mipatay sa drug surrenderee

CEBU, Philippines — Kanhi drug surrenderee nga usa ka tricycle driver gipusil patay diha sa sulod sa Maactan Country Homes Subdivision sa Barangay Babag, Siyudad sa Lapu-Lapu alas 6 pasado ang  takna sa miaging Domingo sa  gabii Pebrero 25,  2024.

Si  Police Lieutenant Christian  Torres,   pangulo  sa City Investigation Detection and Management Unit (CIDMU) miila sa  biktima nga mao si Ramil  Siarot  Castillon, 47, taga Barangay Looc sa maong siyudad ug kanhi drug surrederee sa kapolisan.

Matud pa ni Torres  nga misulod sa  maong  subdivision ang biktkima sa paghatod og pasahero. Sa paghidangat sa maong dapit kalit lamang kining gipusil sa wala hiilhing lalaki nga nagsakay usab og motiorsiklo. Dugang pa ni Torres sa footage CCTV camera maoy  ilang nakita  nga migawas sa compound sa maong subdivision ang wala hiilhing lalaki nga adunay angkas nga babaye nga ilang gituohan nga kakunsabo sa pagpusil patay sa biktima.