CEBU, Philippines — Gihigpitan sa Prevention Restoration Order Beautification Enhancement (PROBE) ang pagkompiskar sa mga estraktura nga makababag sa kadalanan diha sa Barangay Pasil, siyudad sa Sugbo karon nga gipatuman na ang Oplan Disiplina kagahapon uban ang Cebu City Police Office (CCPO).
Ang Oplan Disiplina gipatuman sa Task Force Disiplina nga ang City Director sa CCPO maoy chairman.
Si CCPO Director Colonel Ireneo Dalogdog nga usa sa ilang mandato pagpahibawo bahin sa mga ordinansa sa siyudad apil niini ang kalimpyo sa palibot.
Ang mga nakababag nga mga estraktura sama sa lamesa, tangkal ug uban pa nga naa gipamutang sa kilid o sa mismong karsada kinahanglang tangtangon sa mga tagiya kung sila nila gustong embarguhon kini.
Kaning maong mga babag sa karsada makadisturbo sa mga emergency vehicles sama sa fire trucks ug ambulansiya kun dunay emerhensiya sama sa sunog.
Aron masiguro gyud nga matuman ang Oplan Disiplina gitugyan ngadto sa barangay officials ang pagmentinar niini.
Ang Department of Interior and Local Government (DILG) Cebu City nagpahinumdom sa mga barangay officials nga dili magpabaya sa ilang obligasyon kung di sila gustong mapamahamtangan og silot. – IBM BANAT NEWS