Enad number 1 sa mga mayor sa probinsiya sa Sugbo

CEBU, Philippines — Si Mayor Rajiv Enad sa Lungsod sa Minglanilla maoy number 1 nga mayor sa mga lungsod sa Probinsiya sa Sugbo.

Kini base sa resulta sa survey nga gihimo sa RP-Mission and Development (RPMD).

Gihangop ni Enad ang nadawat nga taho atol sa kasaulogan sa iyang adlaw nga natawhan.

Ang RPMD ang nihimo sa survey alang ngadto sa mga lider sa Pilipinas kinsa nakahatag og maayong serbisyo ngadto sa ilang mga konstituwente.

Si Enad nagpabilin nga number 1 kinsa nakakuha og 88.8 porsyento nga score uban ni Mayor Aljew Frasco sa Lungsod sa Liloan kinsa nakakuha og 88.2 porsyento nga score.

Si Mayor Sun Shimura sa Daanbantayan anaa sa ikaduha diin nakakuha kini og 86.5 porsyento nga score gisundan ni Mayor Teresa Alegado sa Lungsod sa Consolacion kinsa nakakuha og 84.7 porsyento nga score.

Ikaupat si Mayor Allan Sesaldo sa Lungsod sa Argao nga adunay score nga 83.1 porsyento ug ikalima si Cesar Suan sa Lungsod sa Cordova nga adunay 81.8 porsyento nga score. — BDB BANAT NEWS