CEBU, Philippines — Nakadawat na og pinansiyal nga ayuda ang mga biktima sa sunog sa Barangay Tingob sa Siyudad sa Mandaue.
Si Mandaue City Mayor Jonas Cortes maoy nangulo sa pag-apod-apod sa maong pinansiyal nga ayuda nga giubanan usab nila ni Bise Mayor Glenn Bercede ug ubang sakop sa konseho.
Ang maong ayuda sa mga biktima gitumong aron sa pagpatukod og balik sa mga panimay sa mga residente nga nasunogan. Ang mga tag-iya sa nasunog nga panimalay ang nakadawat og P10,000.00 samtang ang mga nag-abang o sharer nga biktima ang gihatagan usab og P5,000. 00.
Sa nasayran ang kagamhanan sa siyudad sa Mandaue una na nga nanghatag og ayuda ngadto sa mga biktima sa sunog nga naglakip sa medical kits, food pack ug uban pa. — MEL BANAT NEWS