CEBU, Philippines — Gitudloan og panginabuhian ang mga Children in Conflict with the Law nga naa sulod sa Cebu City Operation Second Chance.
Kini aron dili maglisod ang maong mga batan-on sa ila na unyang pagbalik sa komunidad, sa higayon nga makagawas na sa pasilidad.
Ang Executive Director sa Cebu City Operation Second Chance, Portia Basmayor nitug-an nga adunay 67 ka mga CICL ang gi train sama sa edible mushrooms production, candle making ug uban pa aron maka income sila ug mawagtang ang ilang kalaay.
Dugang pa ni Basmayor ang mga CICL nakasugod na sa ilang mga baligya ngadto sa ilang mga partners tungod gitabangan usab nila og market.
Ang mga personnel gikan sa Department of Manpower Development and Placement DMDP ang gipadala aron mohatag og training sa mga CICL.
Gibutyag ni Basmayor, niadtong nakalabay nga kalag-kalag ug Pasko nikita usab ang mga CICL tungod sa kandila og parol nga ilang gihimo. — MEL BANAT NEWS