CEBU, Philippines — Niabot ngadto sa 27 ka pamilya sa Sitio Candaya, Barangay Mohon, Dakbayan sa Talisay ang beneficiaries sa core houses.
Si Mayor Gerald Anthony “Samsam” Gullas, Jr. nibutyag nga ang pamilya nga mopuyo sa panimalay pulos apektado sa Bagyong Odette niadtong tuig 2021.
Ang proyekto hiniusa gikan sa Siyudad sa Talisay ngadto sa Habitat for Humanity Philippines.
Gipasalamatan ni Gullas ang mga pribadong kompaniya kinsa mitampo, non-government organization (NGO) ug Foundation nga nakahatag usab sa katumanan sa proyekto.
Matud ni Gullas nga ang pagtinabangay moresulta kini og maayo.
Ang ilang pinuy-anan mao ang pagsugod sa pagpalambo sa pagpuyo alang sa pamilya. (BANAT NEWS)