CEBU, Philippines — Department of Veterinary Medicine and Fisheries niawhag sa mga nanag-iya og kahayupan nga dili magpasagad sa pagbuhi ug sa pagtugway niini bisan asa lang dinhi sa dakbayan sa Sugbo.
Ang pangulo sa DVMF Dr. Jessica Maribojoc, nibutyag nga ang iyang mga sakop maoy mo impound sa mga hayop nga naglaroy laroy sa kadanan sa matag barangay, kini base sa City Ordinance 2526 o Animal Welfare Ordinance sa siyudad.
Dugang pa ni Maribojoc nga ang makalapas niini mag-atubang ug silot ingon man multa, diin dili lang sa mga iring ug iro lakip usab sa mga kabaw nga bisan asa lang itugway.
Samtang ang mga stray animal o livestock nga ma impound ipagawas kini alang sa adoption, o ipaubos sa euthanasia kun dili kini makuha sa mga tag-iya.
Ang mga iro ug iring mahimo nga ipa adopt ngadto sa mga mahiligon niini apan kung walay magtagad niini mahimong kini ipa euthanize kun patyon.
Ang mga livestock iduso usab ngadto sa City Agriculture Office aron mapahimuslan sa mga mag-uuma. (BANAT NEWS)