Outreach program gidalit sa CCMC Nursing Alumni Association

CEBU, Philippines — Libreng serbisyo gidalit sa Halad Pagpangalagad Outreach Program nga gipahigayon sa Plaza Sugbo atubangan sa Cebu City Hall.

Kapin sa usa ka libo ka mga tawo ang nakapahimulos sa libreng serbisyo nga gitanyag sa Cebu City Medical Center College of Nursing Alumni Association isip kabahin sa ilang Grand Alumni Homecoming.

Lakip sa nakapahimulos sa libreng serbisyo mao ang mga Persons with Disability (PWD) ug Senior Citizens.

Apil sa ilang gitanyag mao ang libre nga medical check-up, dental, surgical ug legal nga serbisyo.

Ang maong kalihukan pamaagi kini isip pagpasalamat ug tabang sa mga organizers ngadto sa mga Sugbuanon nga makasinati og mga dekalidad nga serbisyo.

Pipila usab ka mga ahensya ang nalakip sa maong outreach program diin adunay mga libreng tambal ang gipanghatag nga gikalipay kaayo sa mga benepisyaryo. (BANAT NEWS)