CEBU, Philippines — Gitinguha karon sa Cebu City Planning and Development Office nga mopahigayon og training sa mga barangay kapitan sa paghimo og ilang kaugalingong development plans nga magsugod sa sunod buwan.
Ang CCPDO magpahigayon sa ilang unang session sa tanang barangay kapitan karong Pebrero 6, 2024. Matud ni Architect Marie Cuiznon, assistant planning officer sa CCPDO nga magsugod sila sa tanang barangay diin ang sunod nga session sa Pebrero 19 ug 20 niining tuiga samtang sa Feb 22, 2024 ang session alang sa rural barangay cluster.
Gibutyag ni Cuizon nga ang CCPDO mag-organisar sa mga cluster nga barangay kapitan atol sa 1st session orientation diin adunay tulo ka schedule nga himuon alang sa coastal, urban ug rural clusters.
Tumong niini aron ang mga kapitan sa siyudad aduna na unya sila y igong katakos sa pagpahigayon sa ilang kinaugalingnan nga mga development plan. (BANAT NEWS)