Mga insidente sa makuyapan sa simbahan mas minus karon
CEBU, Philippines — Mas minos karon ang mga pag responde sa mga makuyapan nga manimbahay sa Basilica Minore del Sto. Niño kun ikomparar sa nanglabay nga katuigan.
Kini ang gibutyag ni Fr. John Ion Miranda, OSA ang tigpamaba sa Basilica nga nahinabi sa mga tigbalita.
Matud pa ni Miranda, dako ilang pasalamat sa balaan nga bata sa maayong lakat sa panahon sukad pa niadtong pagsugod sa misa novena.
Nagkanayon si Miranda nga karong tuiga mas ubos ang mga makuyapan kung itande sa nanglabay nga katuigan, diin kaniadto tag 200 ang ilang maatiman matag adlaw, karon moabot lang sa 50 ngadto sa 60 ka tawo ug pinakadaghan 120 ka tawo.
Mapasalamaton usab sila tungod kay nakasabot na ang mga debotos nga dili na magduot-duot sa ilang pagsulod ug gawas sa pilgrim center ug sa simbahan.
Si Miranda, padayon nga niawhag sa mga debotos nga mobisita sa simbahan sa pagsunod lang sa kanunay sa ilang mga pahimangno aron padayon lang gihapon ang kahapsay ug kaluwasan sa tanan nga nitambong sa kalihukan sulod sa simbahan. (BANAT NEWS)
- Latest
