‘Killer’ ni Unchuan gisusi kun dunay kauban

CEBU, Philippines — Giklaro sa tigpamaba sa Police Regional Office (PRO)-7 nga wala pa gitak-opan sa kapulisan ang imbestigasyon mahitungod sa kaso ni Joel Jude Suson Unchuan o Coach J kinsa napalgan nga patay na sa Sitio Palanas, Barangay Inayagan, siyudad sa Naga.

Kini bisan pa man og giangkon sa suspek nga si Sanny Lumanggca nga siya ang naghimo sa krimen kini gumikan sa iyang kasuko ngadto sa biktima.

Kini tungod kay gisubay karon sa mga imbestigador kung dunay laing kuyog ang suspek sa paghimo sa krimen. Si Lumangca miluwat og extrajudicial confessions nga kini miingon nga siya ra ang naghimo sa  krimen.

“We take into account the extrajudicial confessions but the police will not solely its findings on the extrajudicial confessions so ang among buhaton karon among i-file ang kaso against the suspect but the investigation is still open to determine if naa pabay laing involve,” sigon ni Police Lt. Col. Gerard Ace Pelare, tigpamaba sa PRO-7.

Wala sab mohunong ang kapulisan sa backtracking nila sa CCTV aron makakuha pa og dugang impormasyon mahitungod sa krimen.

Gipasakaan na og kasong murder ang suspek kagahapon sa Naga City Police Station. IBM (BANATNEWS)